சுகாதார முகாமைத்துவ உதவியாளர் சேவை(Health Management Assistant Service)

1335/15 ஆம் இலக்க 2004.08.25 ஆம் திகதிய அதிவிசேட வர்த்தமானப் பத்திரிகையில் பிரசுரிக்கப்பட்ட 2003.05.01 ஆம் திகதியிலிருந்து சுகாதார முகாமைத்துவ உதவியாளர் சேவை நடைமுறைப்படுத்தப்பட்டது. எனினும் மேற்படி சேவை பிரமாணக்குறிப்பின் கீழ் நிர்வகிக்கப்பட்ட சுகாதார முகாமைத்துவ உதவியாளர்கள் 2009.10.15 ஆம் திகதியிலிருந்து 1372/23 ஆம் இலக்க 2004.12.24 ஆம் திகதிய அதிவிசேட வர்த்தமானப் பத்திரிகையில் பிரசுரிக்கப்பட்ட அரசாங்க முகாமை உதவியாளர் சேவை பிரமாணக் குறிப்பின் பூரண கட்டுப்பாட்டின் கீழ் கொண்டுவரப்படுகின்றார்கள். ( அரசாங்க நிர்வாக சுற்றறிக்கை 17/2009)

மேற்படி, சுகாதார முகாமைத்துவ உதவியாளர்கள் கடமையாற்றிய காலப்பகுதியில் சுகாதார அமைச்சினால் வெளியிடப்பட்ட பின்வரும் பொது சுற்றறிக்கைகளுக்கு அமைவாக அவர்களது சம்பளங்கள் கணிக்கப்படுதல் வேண்டும்.

1.பொது சுற்றறிக்கை இல - 01- 06/2003

2.பொது சுற்றறிக்கை இல - 01- 02/2004

3.பொது சுற்றறிக்கை இல - 02- 130/2003

எனினும், கிழக்கு மாகாண சுகாதார முகாமைத்துவ உதவியாளர் சேவை  கிழக்கு மாகாண பொது நிருவாக சுற்றறிக்கை இல 02/2011 இன் மூலம்  2011.08.01 ஆம் திகதி முதல் இல்லாதொழிக்கப்பட்டு அவ்வுத்தியோகத்தர்கள் கிழக்கு மாகாண முகாமைத்துவ உதவியாளர் சேவையினுள் உள்ளீர்க்கப்பட்டது குறிப்பிடத்தக்கது.

சம்பள மாற்றியமைப்பு தொடர்பான சில விசேட சுற்றறிக்கைகள்

1.அரசாங்க நிர்வாக சுற்றறிக்கை 30/2013

சுகாதார முகாமைத்துவ உதவியாளர் சேவையிலிருந்து அரச முகாமைத்துவ உதவியாளர் சேவைக்கு உள்ளீர்ப்புச் செய்யப்பட்ட சுகாதார முகாமைத்துவ உதவியாளர் சேவையின் அதியுயர் வகுப்பு மற்றும் வகுப்பு I இல் கடமையாற்றிய அலுவலர்களுக்கு மாத்திரம் சம்பள முரண்பாடுகளை நீக்கும் நோக்கத்திற்காக மட்டும் 2003.05.01 ஆம் திகதி தொடக்கம் 2009.10.15 ஆம் திகதி வரையுள்ள காலப்பகுதியில் அவர்கள் சுகாதார முகாமைத்துவ உதவியாளர் சேவைக்கு சொந்தமாக்கப்பட்ட அலுவலர்களாக கருதப்பட மாட்டார்கள் என்பது குறிப்பிடத்தக்கது.

மேற்படி சேவையில் 1975.04.01 ஆம் திகதி முதல் தற்போது வரையுள்ள சம்பளமாற்றங்களை இவ்விணைப்பில் தரப்பட்டுள்ள அட்டவணையினைப் பயன்படுத்தி இலகுவாக மேற்கொள்ள முடியும்.

General Clerical Service/Health Management Assistant Service

No	Service	Segment/Grade
01.	Health Management Assistant	III	Click Here
02.	Health Management Assistant	II	Click Here
03.	Health Management Assistant	I	Click Here
04.	Health Management Assistant	Supra	Click Here

 

முகாமைத்துவ சேவை உத்தியோகத்தர் சேவை(Management Service Officer’s Service)

 முகாமைத்துவ உதவியாளர் சேவையானது தற்பொழுது இணைந்த சேவைச் சுற்றறிக்கை 05/2019 இற்கமைவாக முகாமைத்துவ சேவை உத்தியோகத்தர் சேவையாக பெயர் மாற்றம் செய்யப்பட்டுள்ளது.

மேலும், முகாமைத்துவ உத்தியோகத்தர் சேவையானது பின்வரும் சேவைகளை ஒன்றிணைத்து 2004.01.01 ஆம் திகதி முதல் உருவாக்கப்பட்டது.( அரசாங்க நிர்வாக சுற்றறிக்கை 10/2004)

1.பொது எழுதுநர் சேவை 

2.சுருக்கெழுத்தாளர் சேவை 

3.தட்டெழுத்தாளர் சேவை 

4.சிறாப்பர் சேவை 

5.கணக்குப் பதியுநர் சேவை 

6.களஞ்சியக் காப்பாளர் சேவை 

சம்பள மாற்றியமைப்பு தொடர்பான சில விசேட சுற்றறிக்கைகள்

 1.அரசாங்க நிர்வாக சுற்றறிக்கை 15/99 

அரசாங்க நிர்வாக சுற்றறிக்கை 37/92 இன் கீழ் சம்பளத்தொகுதி S-2-1 இல் இருந்து சம்பளத் தொகுதி S-2-2 இற்கு பதவியுயர்த்தப்பட்ட உத்தியோகத்தர்களின் சம்பளங்களை அரசாங்க நிர்வாக சுற்றறிக்கை 2/97(III) இன் படி மாற்றியமைக்கும் போது சம்பளத்தில் முரண்பாடொன்று ஏற்படுகின்றது. 

இம்முரண்பாட்டை நீக்குவதற்காக சம்பந்தப்பட்ட 1994.08.01 ஆம் திகதி தொடக்கம் 1996.12.31 ஆம் திகதி வரையான காலப்பகுதியினுள் வகுப்பு - II”ஆ” இலிருந்து வகுப்பு - II”அ” விற்கு பதவியுயர்த்தப்பட்ட உத்தியோகத்தர்களின் சம்பளங்கள் அரசாங்க நிர்வாக சுற்றறிக்கை 37/92 இல் குறிப்பிட்டுள்ள சம்பள அளவுத்திட்டங்கள் தொடர்ந்து நடைமுறைப்படுத்தப்பட்டதாக உத்தேசமாகக் கொண்டு உயர்த்தப்பட்ட பதவிக்குரிய சம்பள அளவுத்திட்டத்திற்கு மாற்றியமைக்கப்பட வேண்டும். மேலும் அதன் பின் 1996.12.31 ஆம் திகதி வரை சம்பள ஏற்றங்களை உழைத்துப் பெற்றிருந்தால் அச்சம்பள ஏற்றங்களின் பெறுமதிகளையும் அரசாங்க நிர்வாக சுற்றறிக்கை 37/92 இன் கீழ் உத்தேச அடிப்படையின் கீழ் சேர்த்து 1997.01.01 ஆம் திகதி தொடக்கம் அரசாங்க நிர்வாக சுற்றறிக்கை 2/97(III) இன் நேரொத்த படிநிலையின் 40% அதிகரிப்பின் கீழ் வைத்தல் வேண்டும்.

2.அரசாங்க நிர்வாக சுற்றறிக்கை 17/2008

2004.01.01 ஆம் திகதி முதல் அரச முகாமை சேவை உருவாக்கப்பட்டதன் பின்னர் அதில் வகுப்பு I  இற்கும், அதியுயர் வகுப்பிற்கும் பதவியுயர்வு பெறுகின்ற அலுவலர்கள் பெறுகின்ற சம்பளத்தை விட ஏற்கனவே அச்சேவையில் கடமையாற்றுகின்றவர்கள் பெறும் சம்பளமானது குறைவாகக் காணப்படுகின்றமையைக் கருத்திற் கொண்டு மேற்படி சுற்றறிக்கைக்கு அமைவாக 2003.12.31 ஆம் திகதி அல்லது அதற்கு முன்னர் வகுப்பு - II”அ” இலிருந்து வகுப்பு - I  விற்கு பதவியுயர்வு பெற்றவர்களும் வகுப்பு - I  இலிருந்து அதியுயர் தரத்திற்கு பதவியுயர்வு பெற்று அதன் காரணமாக சம்பள முரண்பாடுகள் ஏற்பட்டுள்ள அலுவலர்கள்களும் முறையே வகுப்பு - II”அ” மற்றும் வகுப்பு - I  இல் இருந்ததாகக் உத்தேசித்து 2004.01.01 ஆம் திகதிக்கு பின்னராக அமைகின்ற தற்போதைக்கு பெற்றுள்ள பதவி உயர்வுக்கு கிட்டிய சம்பள ஏற்றத் திகதியில் பதவி உயர்வு பெறப்பட்டதாக உத்தேச முறையில் கருதி சம்பளத்தை மாற்றியமைத்தல் வேண்டும்.

3.இணைந்த சேவைகள் சுற்றறிக்கைக் கடிதம் 04/2019

2013.12.11 ஆம் திகதிய 1840/34 ஆம் இலக்க வர்த்தமானியில் வெளியிடப்பட்ட முகாமைத்துவ சேவை உத்தியோகத்தர் சேவை பிரமாணக் குறிப்பு நடைமுறைப்படுத்தப்படும் 2013.04.02 ஆம் திகதியில்  முகாமைத்துவ சேவை உத்தியோகத்தர் தரம் I மற்றும் தரம் II இற்கு பதவியுயர்வு பெற்ற உத்தியோகத்தர்களின் அந்தப் பதவியுயர்வு மற்றும் சம்பளம் தயாரித்தல் பணிக்காக மட்டும் 2013.04.02 ஆம் திகதியின் பின்னர் எழுந்த முன்னைய தரத்தின்/ முன்னர் கிடைத்த உரிய சம்பள ஏற்றத் திகதியில் நிகழ்ந்தது எனக்கருதி சம்பளமாற்றங்களைச் செய்வது அவசியமாகும்.

பின்னர் எதிர்கால சம்பள ஏற்றத் திகதியாக உத்தியோகத்தரின் உண்மையான பதவியுயர்வுத் திகதியைக் கருதுதல் வேண்டும்.  

மேற்படி சேவையில் 1975.04.01 ஆம் திகதி முதல் தற்போது வரையுள்ள சம்பளமாற்றங்களை இவ்விணைப்பில் தரப்பட்டுள்ள அட்டவணையினைப் பயன்படுத்தி இலகுவாக மேற்கொள்ள முடியும்.

No	Post	Segment/Grade
01.	General Clerk / Management Assistant	II’B’/III	Click Here
02.	General Clerk / Management Assistant	II’A’/II	Click Here
03.	General Clerk / Management Assistant	I	Click Here
04.	General Clerk / Management Assistant	Supra	Click Here

ஓய்வுக்கு முற்பட்ட விடுமுறை - Leave Preparatory to Retirement

                                

அரச அலுவலர் ஓருவர் ஓய்வு பெறும் சந்தர்ப்பத்தில் நடப்பாண்டில் அவருக்கு உரித்துடைய ஓய்வு விடுமுறையுடன் முன்னைய ஏதேனும் ஈராண்டுகள் சேமித்து வைத்துள்ள ஓய்வு விடுமுறைகளையும் ஓய்வுக்கு முற்பட்ட விடுமுறையாக பெற்றுக்கொள்ளலாம். (பொ.நி.சு - 03/97)

எனினும் அலுவலர் ஒருவர் தனது சேவைக் காலத்தினுள் சேமித்து வைத்துள்ள அமைய விடுமுறை மற்றும் சுகவீன/ ஓய்வு விடுமுறைகளைப் பயன்படுத்தி 12 மாதங்கள் எனும் வரையறைக்குள் ஓய்வின் முன்னரான விடுமுறைகளைப் பெற முடியும். (01.01.2006 ஆம் திகதி முதல் சேமித்துள்ள விடுமுறைகளையே இதற்குப் பயன்படுத்தலாம்.) (பொ.நி.சு - 24/2007)

ஆனால்  பொ.நி.சு - 24/2007 திருத்தியமைக்கப்பட்டு 2011.01.01 ஆம் திகதிக்குப் பின்னர் ஓய்வு பெறும் பயன்படுத்தப்பாடாத விடுமுறையின் உச்ச அளவாக மூன்று மாத காலப்பகுதியை ஓய்வுக்கு முந்திய விடுமுறையாக பெற்றுக்கொள்வதற்கு குறித்த உத்தியோகத்தர்களுக்கு அனுமதி வழங்கப்படுதல் வேண்டும்.(பொ.நி.சு - 19/2010)

பிரசவ விடுமுறை - Maternity Leave

                               

இது ஒவ்வொரு குழந்தை பிறப்பிற்கும் பின்வருமாறு அமையும் 

(பொ.நி.சு - 4/2005)

84 நாட்கள் சம்பளத்துடனான விடுமுறை

84 நாட்கள் அரைச்சம்பள விடுமுறை

84 நாட்கள் சம்பளமற்ற விடுமுறை

நிரந்தர, தற்காலிக, அமைய மற்றும் பயிற்சி நிலையிலுள்ள பெண் உத்தியோக த்தர்களுக்கு வழங்கப்படலாம்.

84 நாட்கள் சம்பளத்துடனான பிரசவ விடுமுறை

எல்லா உயிருடன் பிறக்கும் குழந்தை பிரசவத்திற்கு வழங்கப்படலாம். குழந்தை பிறந்து 4 வாரங்களுக்கு முன் எக்காரணம் கொண்டும் கடமைக்கு அறிக்கையிட முடியாது. மருத்துவச்சான்றிதழ்/ குழந்தையின் பிறப்புச் சான்றிதழ் சமர்ப்பிக்கப்படல் வேண்டும். இது ஒரு விசேட விடுமுறையாகை யால் ஏனைய விடுமுறைகளிலிருந்து கழிக்க முடியாது.

குழந்தை பிறந்து 6 வாரங்களுக்கு முன் இறந்தால்/ மரணமடைந்து பிறந்தால் 6 வாரங்கள் சம்பளத்துடனான விசேட விடுமுறையை மரண அத்தாட்சிப் பத்திரம் / மருத்துவ சான்றிதழ் சமர்ப்பித்தல் வழங்கலாம்.

84 நாட்கள் அரைச்சம்பள பிரசவ விடுமுறை

சம்பளத்துடனான விடுமுறை முடிவடைந்ததன் பின் 84 நாட்கள் அரைச்சம்பள பிரசவ விடுமுறை வழங்கலாம். (சனி, ஞாயிறு, பொது விடுமுறை தினங்கள் உட்பட) குழந்தை மரணமடைந்தால் 7 நாட்களின் பின் இவ்விடுமுறை இரத்தாகும்.

84 நாட்கள் சம்பளமற்ற பிரசவ விடுமுறை

மேற்படி இரு வகை விதிமுறைகளும் முடிவடைந்ததன் பின்னர் குழந்தையின் பராமரிப்புக்கு அவசியமானால் மட்டுமே 84 நாட்கள் சம்பளமற்ற பிரசவ விடுமுறை வழங்கப்படலாம்.(சனி, ஞாயிறு, பொது விடுமுறை தினங்கள் உட்பட)

Note :-

1. கருச்சிதைவு ஏற்படின் மருத்துவச் சான்றிதழை சமர்ப்பித்து தனது ஓய்வு  விடுமுறையை பயன்படுத்தலாம்

2.குழந்தைக்கு 6 மாதம் முடிவடையும் வரை பாலூட்டும் நோக்கத்திற்காக அலுவலகத்திலிருந்து ஒரு மணித்தியாலம் முன்னாதாக செல்லலாம்.

3. கருத்தரித்து 5 மாதம் கழிந்த பின் ½ மணித்தியாலம் கடமைக்கு தாமதமாக வரவும் ½ மணித்தியாலம் முன்னதாக காரியாலயத்திலிருந்து வெளிச் செல்லவும் அனுமதிக்கலாம்.

4. அரைச்சம்பள, சம்பளமற்ற பிரசவ விடுமுறை உத்தியோகத்தரின் சம்பள ஏற்றம், ஓய்வூதியம், பதவியுயர்வு என்பவற்றின் போது பாதிப்பு ஏற்படுத்துமொன்றாக கருதப்படக்கூடாது.

தந்தைக்குரிய விடுமுறை - Paternal Leave

                                   

நிரந்தர, தற்காலிக, அமைய மற்றும் பயிலுநர் அலுவலர் ஒருவரின் மனைவியின் பிள்ளை பிறப்பு ஒன்றின் போது அலுவலருக்கு 3 நாட்கள் விசேட விடுமுறை வழங்கப்படும். இது 3 வேலை நாட்களாகவும் 3 மாதத்திற்குள் பெற்றுக்கொள்ளப்படல் வேண்டும். பின்னர் விவாகச்சான்றிதழ் மற்றும் பிள்ளையின் பிறப்புச் சான்றிதழ் அல்லது மருத்துவச் சான்றிதழ் சமர்ப்பிக்கப்படல் வேண்டும்.( பொ.நி.சு - 03/2006)

காலம் கடந்த விடுமுறை - Lapsed Leave

                                 

அலுவலரொருவர் தனது திரட்டிய ஓய்வு விடுமுறையினை முற்றாக பெற்றுக் கொண்டதன் பின்னர் மேலும் விடுமுறை தேவைப்படின் விடுமுறையை அனுமதிக்கும் அதிகாரி தனது தற்றுணிவின் அடிப்படையில் குறித்த அலுவலரது சேவைக்காலத்தில் உபயோகிக்கப்படாத இரு தொடர்ச்சியான வருடங்களுக்குரிய ஓய்வு விடுமுறையினை அனுமதிக்கலாம். இது சாதாரணமாக ஒரு வருடத்துக்குள் ஒரு தடவை மாத்திரமே அனுமதிக்கப்பட முடியும். இரு தொடர்ச்சியான வருடங்களில் பெறப்பட்ட மொத்த காலங்கடந்த விடுமுறைகளின் எண்ணிக்கை 48 நாட்களை விஞ்சுதலாகாது.

தவிர்க்க முடியாத சந்தர்ப்பங்களில் அதாவது நோய்வாய்ப்பட்டாலோ அல்லது விபத்து காரணமாகவோ மேலும் விடுமுறை தேவைப்படின் செயலாளர் அதன் உண்மைத்தன்மையில் திருப்தியடையின் தனது தற்றுணிபில் மேலும் இரு தொடர்ச்சியான வருடங்களுக்குரிய காலங்கடந்த விடுமுறையை அனுமதிக்கலாம். இந்நிலையில் இரு தொடர்ச்சியான வருடங்களில் வழங்கப்பட்ட காலம் கடந்த விடுமுறை 96 நாட்களை விஞ்சுதலாகாது.

காலம் கடந்த விடுமறை பின்வரும் காரணங்களுக்காக அனுமதிக்கப் படலாம்.

1. அலுவலரின் சுகவீனம்
2. குடும்பத்தவரின் சுகவீனம்
3. குடும்பத்தில் ஏற்பட்ட மரணம்
4. அலுவலரின் திருமணம்
5. குடும்பத்தில் ஏற்பட்ட தொற்றக்கூடிய நோய்
6. நீதிமன்றக் கட்டளை (தனிப்பட்ட காரணமாக)

விபத்து விடுமுறை - Accident Leave

                              

அரச அலுவலரொருவர் கடமையில் இருக்கும் போது அல்லது கடமையில் இல்லாத போதிலும் கடமை சம்பந்தப்பட்ட ஒரு நடவடிக்கையின் போது வீட்டிலிருந்து அலுவலகத்திற்கு அல்லது அலுவலகத்திலிருந்து வீட்டிற்கு செல்லும் போது விபத்துக்குட்பட்டால் செயலாளரினால் ஆகக்கூடியளவு ஒரு வருட சம்பளத்துடனும் 6 மாத அரைச்சம்பளத்துடனும் காயத்தின் தன்மைக் கேற்ப விபத்து விடுமுறை வழங்கப்படலாம். இது அவருக்குரிய ஏனைய விடுமுறைகளிலிருந்து கழிக்கப்படலாகாது என்பதுடன் காலம் கடந்த விடுமுறையுடன் சேர்த்து வழங்கப்படலாம்.

விசேட சுகவீன விடுமுறை - Special Sick Leave

                                 

அலுவலர் ஒருவர் தமது உண்மையான கடமையின் காரணமாகவும், தமது சொந்த தவறு இல்லாததன் காரணமாகவும் நோய்வாய்ப்பட்டுள்ளாரென அரசாங்க மருத்துவ உத்தியோகத்தர் சான்றுப்படுத்துவாராயின் 6 மாத சம்பளத்துடனும், 6 மாத அரைச்சம்பளத்துடனுமான விசேட சுகவீன விடுமுறையை அனுமதிக்கலாம்.

எதிர்பாராத இடர், அனர்த்தம் காரணமாக காயமுற்ற அலுவலர் ஒருவருக்கு தாபனப் பணிப்பாளர் அவ்வாறு வழங்குவது அவசியம் என கருதுவாராயின் மருத்துவ சபையொன்று சிபாரிசு செய்யும் அளவுக்கு விசேட சுகவீன விடுமுறையை செயலாளர் வழங்கலாம்.

ஓய்வு விடுமுறை - Vacation Leave

                                               

இது வருடமொன்றுக்கு ஆகக் கூடியது 24 நாட்கள் ஆகும்.

அலுவலர் ஒருவர் திரட்டிய ஓய்வு விடுமுறை(Accumulated Vacation Leave) அதாவது விடுமுறை பெறும் வருடத்தில் ஓய்வு விடுமுறை மற்றும் அதற்கு முந்திய ஒரு வருடத்தில் எஞ்சியுள்ள ஓய்வு விடுமுறை என்பவற்றைச் சேர்த்து ஒரு வருடத்தில் 48 நாட்கள் ஓய்வு விடுமுறைக்கு உரித்துடையவரர் ஆவார்.

இவ்விடுமுறை உள்நாட்டில் பெறப்படும்போது வேலைநாட்கள் மாத்திரம் கணக்கில் கொள்ளப்படும். ஆனால் வெளிநாட்டில் செலவிடப்படும் போது பொது விடுமுறை, சனி, ஞாயிறு தினங்கள் உள்ளடங்கலாக கணக்கிடப்படும்.

புதிதாக நியமனம் பெற்ற ஒருவர் 9 மாதம் முடிந்த பின்பே 24 நாட்கள் ஓய்வு விடுமுறைக்கு உரித்துடையவராவார். எனினும் சுகவீனமாக மருத்துவ சான்றிதழ் சமர்ப்பித்தால் அல்லது மிக அவசரமான தேவைக்கு ஒவ்வொரு மாத சேவைக்கும் ஒரு வருட ஓய்வு விடுமுறையில் ¹/₉ வீதத்தில் வழங்கப்படலாம். அத்துடன் இரு வருட சேவை முடிந்த பின் எஞ்சிய காலப்பகுதிக்குரிய விடுமுறை ¹/₁₂ வீதப்படி கணக்கிடப்பட வேண்டும்.
உதாரணமாக 01.01.2009 இல் நியமனம் பெற்ற ஒருவருக்கு
01.01.2009 - 31.12.2009  - 1 வருடம் = 24 நாட்கள்
01.01.2010 - 31.12.2010  - 1 வருடம் = 24 நாட்கள்
01.01.2011 - 16.08.2011 - ²⁴/₁₂ × 7¹/₂    = 15 நாட்கள்
01.01.2012 தொடக்கம் கலண்டர் வருடத்திற்கு கணக்கிடப்படும்.

இரண்டு வருடத்திற்கு மேற்பட்ட சேவைக்காலத்தை உடைய அலுவலர் ஒருவர் ஒரு வருடத்தில் ஆகக்குறைந்தது முதல் 3 மாதங்கள் கடமை புரிந்தால் மட்டுமே 24 நாட்கள் ஓய்வு விடுமுறைக்கு உரித்துடையவர். 3 மாதங்கள் முடியும் முன்பு விடுமுறை தேவைப்பட்டால் மாதமொன்றுக்கு ¹/₃ வீதப்படி ஒய்வு விடுமுறை வழங்கப்படலாம்.

பதில் விடுமுறை - Lieu Leave

                                  

பொதுவிடுமுறை/ வார ஓய்வு நாட்களில் கடமை புரிய வேண்டியிருப்பின் அதற்காக பிறிதொரு நாளில் வழங்கப்படும் விடுமுறையே பதில் விடுமுறையாகும். இது அரசிற்கு மேலதிக செலவினங்களை ஏற்படுத்தலாகாது என்பதுடன் ஒரு வருட காலத்தினுள் பெற்றுக் கொள்ளப்படல் வேண்டும். இது உள்நாட்டில் ஓய்வு அல்லது அமைய விடுமுறைகளுடன் சேர்த்து பெற்றுக்கொள்ள முடியும். வெளிநாட்டில் செலவிடப்படவிருக்கும் விடுமுறைகளுடன் சேர்த்துக்கொள்ள முடியாது.

பிணி விடுமுறை/ சுகவீன விடுமுறை - Sick Leave

                               

அலுவலர் ஒருவருக்கு சுகவீனம் காரணமாக 2 நாட்களுக்கு மேல் விடுமுறை தேவைப்படின் அவர் தன்னை அரசாங்க வைத்திய அதிகாரி/ பதிவு செய்யப்பட்ட மருத்துவர் ஒருவரிடம் தன்னை பரிசோதனைக்கு உட்படுத்தி மருத்துவச் சான்றிதழ் சமர்ப்பித்தல் வேண்டும்.

இம்மருத்துவச் சான்றிதழுக்கு எந்தவொரு காலப்பகுதிக்கும் சம்பளத்துடனான /அரைச்சம்பள/ சம்பளமற்ற சுகவீன விடுமுறை வழங்கப்படலாம். 

அலுவலர் விரும்பினால் 6 நாட்களுக்கு குறைந்தவொரு காலப்பகுதிக்கான சுகவீன விடுமுறை அவரின் அமைய விடுமுறையில் கணக்கிட்டு கொள்ளப்படலாம். திணைக்களத் தலைவர் இவ்வாறான சிறிய காலப்பகுதி க்குரிய விடுமுறையினை அலுவலரின் ஓய்வு விடுமுறை யிலிருந்து கழித்துக் கொள்ளலாம்.

சுகவீன விடுமுறை தொடர்பில் அவசியமானவிடத்து அரசாங்க மருத்துவரிட மிருந்து மருத்துவச் சான்றிதழை சமர்ப்பிக்கும்படி கோர திணைக்களத் தலைவருக்கு/ விடுமுறையை அனுமதிக்கும் அதிகாரிக்கு அதிகாரமுண்டு.

அமைய விடுமுறை - Casual Leave

                                   

உள்நாட்டில் செலவழிக்கத்தக்க ஒரு தடவையில் 6 நாட்களுக்கு மேற்படாத வருடமொன்றுக்கு ஆகக்கூடியது 21 நாட்கள் அமைய விடுமுறை திணைக்களத் தலைவர் வழங்கலாம்.

இது அமைய சூழ்நிலைக்கேற்ப உத்தியோகத்தரொருவர் சிறிய காலப்பகுதிக்கு கடமைக்கு வராமலிருப்பதை இயலச் செய்வதற்காகவே வழங்கப்படுகின்றது. தவிர்க்க முடியாத சூழ்நிலையை தவிர இவ்விடுமுறை ஓய்வு விடுமுறை/ அரைச்சம்பள விடுமுறைக்கு தொடர்ச்சியாக முன்னதாகவோ அல்லது பின்னதாகவோ பெறப்பட முடியாது. புதிதாக நியமனம் பெற்ற ஒருவருக்கு அவரின் அமைய சூழ்நிலைக்கேற்ப இவ்விடுமுறை அனுமதிக்கப்படலாம்.

குறுகிய கால விடுமுறையும் அரைநாள் விடுமுறையும் - Short Leave and Leave for part of a Day

                                 

குறுகிய கால விடுமுறை - இது நாளொன்றுக்கு 1¹/₂ மணித்தியாலங்களுக்கு விஞ்சாத மாதம் இரு முறை மட்டும் பெற்றுக்கொள்ளக்கூடிய விடுமுறையாகும்.

அரைநாள் விடுமுறை - மதிய உணவு நேரம் நீங்கலாக நாளொன்றுக்கு 3¹/₂ மணித்தியாலங்களுக்கு குறையாமல் கடமை புரிந்தால் மிகுதியான காலப்பகுதி ¹/₂ நாள் விடுமுறையாகக் கணிக்கப்படும்.

இது 8.30 தொடக்கம் 4.15 வரை வேலை நேரம் கொண்டவர்களுக்கே இது பொருந்தும்.

சேவையை விட்டகலுதல் - Leave of Absence from Station

                                   

பொது விடுமுறை தினமாயினும் அல்லது வாய் மூலம் அனுமதி பெறப்பட்டிருப்பினும், உத்தியோகத்தர் ஒருவர் சேவை நிலையத்தை விட்டகலும் முன் விடுமுறை அனுமதிக்கும் அதிகாரிக்கு விண்ணப்பித்து அனுமதியைப் பெற்றுக் கொள்ளுதல் வேண்டும்.

விடுமுறை

 அத்தியாயம் - XII - விடுமுறை(Leave)

விடுமுறை தொடர்பான பொது விடயங்கள்

அரசசேவையில் விடுமுறை ஒரு சலுகையே அன்றி உரிமையல்ல.

சேவையின் அவசியம் கருதி அனுமதிக்கப்பட்ட விடுமுறைகள் குறைக்கப்படலாம் அல்லது இரத்துச் செய்யப்படலாம்.

உள்நாட்டில் விடுமுறையைப் பெற “பொது 125A” படிவத்தில் 7 நாட்களுக்கு முன்னர் விண்ணப்பிக்க வேண்டும்.

வெளிநாடொன்றிற்கு விடுமுறையில் செல்வதாயின்  “பொது 126” படிவத்தில் 3 மாதத்திற்கு குறையாத காலப்பகுதிக்கு முன் விண்ணப்பித்தல் வேண்டும்.

விடுமுறை விபரங்கள் “பொது 190” பதிவேட்டில் பேணப்படல் வேண்டும்.

உத்தியோகத்தர் ஒருவர் இடமாற்றத்தில் சென்றிருப்பின் அவரின் முதல் நியமனத்திலிருந்து அவரால் பெறப்பட்ட ஓய்வு, சுகவீன விடுமுறை, அரைச்சம்பளவிடுமுறை, சம்பளமற்ற விடுமுறை மற்றும் 01.01.2006 ஆம் திகதி முதல் பெற்றுக்கொள்ளப்பட்ட அமையவிடுமுறை(பொ.நி.சு.இல 24/2007) என்பன புதிய சேவை நிலையத்திற்கு அனுப்பப்படல் வேண்டும்.

அரைச்சம்பள விடுமுறை, சம்பளமற்ற விடுமுறை மற்றும் வெளிநாடு ஒன்றில் பெறப்படும். ஒய்வு விடுமுறை என்பன கணிப்பிடப்படும் போது சனி, ஞாயிறு மற்றும் பொது விடுமுறை தினங்கள் உள்ளடக்கப்படல் வேண்டும்.

வாரத்தில் 5¹/₂ நாட்கள் கடமை புரிபவர்களால் சனிக்கிழமை பெறப்படும் விடுமுறை அரை நாளாக கணிக்கப்படும். (பொ.நி.சு.இல 04/95)

பொதுவாக திணைக்களத்தலைவரே தன் கீழ் பணிபுரிபவர்களின் விடுமுறையை அனுமதிக்கும் அதிகாரியாவார். எனினும் திணைக்களத் தலைவரின் விடுமுறை செயலாளரினால் அனுமதிக்கப்படும். திருப்திகரமான பதில்கடமை ஏற்பாடு செய்யப்பட்டிருப்பதை உறுதிப்படுத்தும் பொறுப்பு விடுமுறையை அனுமதிக்கும் அதிகாரிக்குரியதாகும்.